Nytt skimagasin om verdas vakraste skiområde
Første utgåve av På Stranda, skimagasinet om Stranda og Sunnmørsalpane, er på veg ut i verda.
Magasinet er heilt gratis og formidlar skikøyring i verdsklasse, eventyrlige toppturar i området rundt Stranda, samt andre moglegheiter for aktivt friluftsliv året rundt, langs fjorden.
Bak magasinet står venane Ole Kristian Årdal (tekstredaktør), André Skjeggestad (art director) og Martin Kristoffersen (sjefredaktør). Dei to førstenemde går siste året på Westerdals Oslo ACT, medan sistemann er lokalt anker og pudderfanatikar på Stranda.
Blant bidragsyterane finn ein blant anna Are Kalvø som har skreve sjølvbiografisk essay om oppveksten under Fjellet, medan fotograf og fjelljournalist Håvard Myklebust tek oss med på topptur til Dalmannshornet.
PS blir mellom anna distribuert på utvalte sportsbutikkar i Oslo, Bergen og Trondheim, Ålesund lufthavn og gjennom leveransane til netthandelen Boardshop.
